Maonokedwe a ku sukulu
Kusukulu n'zovuta kwambiri kuti musasamale zimene ena amakuganizirani. "Ngati ndikunena zimenezi, kodi anthu angaganize kuti ndine wachilendo? Bwanji ngati ndichita zinthu zotere,bwanji ngati ndili pa ubwenzi ndi munthu ameneyu?" Chilichonse chimene mumachita chimaoneka kuti n'chofunika, mwina ngakhale mmene mumayendera.
Kapena mwina mukufuna kuima ngati osiyana, kusonyeza aliyense kuti mumachita zanu; simusamala zomwe anthu amaganiza. Koma kuseliko kumeneko (ndipo mwina simukudziwa n'komwe) ukudzitenga wekha kukhala ofunikira kuti anthu akuwoneni monga momwe ukufunira. Izi zimangonetsa khalidwe lanu lodzimvala limene anthu amaganiza za inu. Umenewo ndi umunthu wa chibadwa chathu ngati anthu
Ndi moyo wolemera; zimakupangitsani kukhala "kapolo" wa zimene ena amakuganizirani. Simungathe kuchita zomwe mukudziwa kuti ndizoyenera, kapena kukhala nokha, kapena kudziganizira nokha. Nthawi zonse muyenera kuganizira zimene ena angaganize mukamachita zimenezi kapena kunena zimenezo.
Maonokedwe aku tchalitchi
Mukapita kutchalitchi, mumakhala otanganidwa ndi ntchito za achinyamata ndipo ndinu mbali ya "gulu la tchalitchi", ndinu ndani pamenepo? Mukufuna kuti anthu awone ubwino wanu kapena ntchito yanu yodzipereka kapena chirichonse mmene chilili.Choncho mumayesetsa kunena zinthu zoyenera ndipo mumachita zinthu mwanjira inayake.
Koma kachiwiri, n'chifukwa chiyani mukuchita kapena kunena zimenezo? Kodi mukuchita zinthu zimenezi chifukwa chokonda Mulungu ndiponso chifukwa chofuna kumutumikira? Kapena kodi ndi kunyada ndi kudzikonda kumene kumakusonkhezerani, kufuna kuti ena akuganizireni bwino?
Chinyengo chamtunduwu chimakhalanso "ukapolo", mukadali kapolo wa zomwe anthu amakuganizirani. Kodi mungakhale bwanji oona ndi owongoka mtima ndi kutumikira Mulungu ngati maganizo anu ali otanganidwa kwambiri ndi zimene anthu ena amakuganizirani?
Maonekedwe a kunyumba
Koma mukafika kunyumba, simumada nkhawa kwenikweni ndi zimene banja lanu limaganiza. Kumeneko mumalola "inu weniweni" kutuluka. Ndani amasamala ngati akukuwonani kukhala wokwiya, wamwano, kapena waulesi?
Kodi n'chiyani chimakupangitsani kuganiza kuti simukusowa kusamala mmene akumvera kapena zimene akuganiza? Kodi mwina mumamva kuti mulipamwamba pawo? Mwinamwake ngati mukuganiza kwambiri za iwo, ngati muwakonda kwambiri kuposa inuyo, simukanachita zimenezo. (Afilipi 2:3.)
Mudakali "kapolo". Mukuganizirabe za inu nokha ndi zomwe mukufuna ndipo mukuganiza ndipo mumamva, m'malo mochita chifuniro cha Mulungu ndi zomwe zingakhale zabwino kwa anthu omwe akukuzungulirani.
Kodi n'zovuta kuti musinthe pa chimene inu muli panyumba panu chifukwa banja lanu limakudziwani bwino kwambiri, ndipo n'zovuta kudzichepetsa ndi kuvomereza kuti muyenera kusintha?
Choonadi chenicheni
Choonadi chenicheni ndi chakuti nthawi zonse zimakhala za "ine", "ine", "ine". N'chifukwa chiyani umasamala zimene anthu amaganiza? Kodi mukuyesetsa kufuna kukondweretsa ndani? Mtumwi Paulo akuti mu Agalatiya 1:10 (NCV): "... Kodi ndikuyesera kusangalatsa anthu? Ndikadafunabe kusangalatsa anthu, koma ngati zili choncho, sindingathe kukhala mtumiki wa Khristu."
Kodi mukuganiza pakali pano kuti izi simomwe muli nazo mmoyo wanu? Kodi mukuganiza kuti inu basi si mtundu wa munthu amene amasamala zimene anthu amaganiza? Khalani oona mtima kwa inu nokha ndikungoyang'ana patsiku momwe mumachitirakapena kunenerazinthu, kapena musachite kapena kunena zinthu, chifukwa cha amene ali nanu kapena salindi inu.
Tonse timayenda mozungulira pakati pa dziko lathu laling'ono; ichi ndicho chikhalidwe cha umunthu wathu woipa. Koma zimenezi zingathe kusintha. Ngakhale pakali pano malingaliro anu akhoza kukhazikika ku moyo wongoziganizira ndi kuzidandaulira nokha , mukhoza kugonjetsa kwathunthu zimenezo ndikukhala omasuka kuganiza ndi kuchita ndi kunena zinthu mwa Umulungu, ku ulemerero wa Mulungu mu mkhalidwe uli wonse!
Cholinga chatsopano
Paulo akulemba mu 2 Akorinto 10:4-5 (NCV): "Timamenya nkhondo pogwiritsa ntchito zida zosiyana ndi zomwe dziko limagwiritsa ntchito. Zida zathu zili ndi mphamvu yochokera kwa Mulungu imene imaononga malo amphamvu a mdani. Timawononga mitsutsano ya anthu ndi mchitidwe uliwonse wodzikwezamotsutsana ndi chidziwitso cha Mulungu. Timagwira maganizo onse ndi kuwachititsa kukhala odzipereka ndi omvera Khristu."
Nthawi zina malingaliro angabwere motere: "Kodi anthu enawo adzandiona motani? Kodi adzazindikira za zomwe ndimachita?" Pamene malingaliro ameneŵa akupitirirabe kubwera, mukhoza kuwalamulira m'malo mwa iwo kukulamulirani. Khalani odzichepetsa ndipo vomerezani choonadi cha zimene mukuyesedwa ndi kupempha thandizo motere:
"Mulungu, ndikudziwa kuti izi si momwe ziyenera kukhalira. Ngakhale kuti chilichonse mu mkhalidwe wanga wokonda kuchita zoipaukundikankhira m'njira imeneyi pakalipano, chomwe ndikufuna kwenikweni ndikukhala m'njira yomwe imakondweretsa Inu ndi kukhala womasuka ku malingaliro awa omwe amandimanga. Ndipatseni mphamvu yogwira maganizo amenewa ndi kukhala moyo wogwirizana ndi Mawu Anu!"
Pangani chisankho chokhazikika cha kutembenuza malingaliro anu kukhala abwino. Ŵerengani Mawu a Mulungu ndi kulingalira za Mawu a Mulungu. Pempherani kwambiri nokha. Pemphererani anzanu, banja lanu, munthu amene mukudziwa kuti akukumana ndi mavuto. Ganizirani za anthu amene akuzungulirani m'malo mwa inu nokha. Pangani zabwino kwa wina.
"Chilichonse chimene mungachite, chitani kuchokera mumtima chifukwa cha Ambuye osati cha anthu." Col.3:23 (CEB).
Pamene inu mukukhala moyo wanu motere, ndiye zimene anthu amaganiza za inu zidzakhala nkhani zosapindulitsa kwa inu pamene inu mukhala kwambiri wokhazikika ndi wzika mizu yanu mwa Ambuye. Pamenepo zimene mumachita zidzakhala zaumulungu kwambiri mosasamala kanthu za kumene muli ndi amene muli naye. Pamenepo moyo wanu udzakhala wolemekeza ndi wopereka ulemu kwa Mulungu, ndipo Iye akhoza kukugwiritsani ntchito mu Utumiki Wake. Moyo wanu udzasonyeza ubwino, kukoma mtima, chikondi, ndi zipatso zonse za Mzimu m'malo mwa kukhala kapolo, wachiphamaso, wodandaula ndi odzimva kukhala wosatetezeka.