Dziko ladzala ndi mavuto; matenda, imfa, njala, nkhondo, nkhanza. Mumaona kuti mukufuna kusintha zinthu m'dzikoli koma ndinu munthu mmodzi yekha pakati pa anthu ena miyandayambiri. Koma kodi mukudziwa kuti Baibulo limanena kuti tingathandizedi kuthetsa mavuto a m'dzikoli?
Mphamvu yosankha
Pachiyambi Mulungu analenga Adamu ndi Hava. Anawapatsa ufulu wosankha. Anawapatsa mphamvu yosankha.
Anthu oyamba anasankha kuchimwa – anasankha kumvera njoka m'malo momvera malamulo abwino ochokera kwa Mulungu wawo wachikondi. Iwo ankaganiza kuti amadziwa bwino kuposa Mulungu.
Kuvutika konse kuli chotsatirapo chachindunji cha tchimo limenelo. Chilichonse padziko lapansi ndi mu ufumu wakumwamba chimapita mogwirizana ndi malamulo. Mulungu ndi Mulungu wolungama, ndipo malamulo Ake sangasinthe. Chimodzi mwa malamulo amenewa ndi chakuti, mwachitsanzo, "Kunyada kumapita pamaso pa chiwonongeko," monga momwe kwalembedwera pa Miyambo 16:18. Kunyada ndi pamene mukuganiza kuti ndinu abwino kapena mukudziwa bwino. Pamene Adamu ndi Hava anasankha kusamvera lamulo la Mulungu ndi kudya chipatso choletsedwacho, chotulukapo chake chinali chiyambi cha uchimo ndi chiwonongeko chonse.
Chinthu chimene tingachite
Malinga ngati Satana ali ndi mphamvu padziko lapansi pano, padzakhala uchimo ndi chiwonongeko. Chifukwa cha kusankha kwa Adamu ndi Hava, Kunakhala kwachibadwa kwa anthu onse kufuna kuchita chifuniro chawo m'malo momvera Mulungu.
Mulungu sanafune konse kuti dziko likhale mumkhalidwe woipitsitsa wotero,panthaŵiyo ndipo tsopano. Amalakalaka kukhala ndi mzimu wathu. Iye amatiitana kwa Iye, ndipo ngati tiyankha, Iye angatigwiritse ntchito kuchita ntchito Yake yangwiro yowononga uchimo m'miyoyo yathu, ndipo mwanjira imeneyi tikhoza kuthetsa ntchito za mdierekezi.
Mukamapereka moyo wanu kwa Mulungu, ndikupanga chisankho cholimba chochita chifuniro Chake m'malo mwa chifuniro chanu, "nkhondo" imayamba - nkhondo yothetsa mphamvu ya uchimo ndi chiwonongeko m'moyo wanu. Nkhondo yolimbana ndi chikhalidwe chanu chaumunthu, chiimene nthaŵi zonse chimafuna kuchita chifuniro chake m'malo mwa chifuniro cha Mulungu. Mukamenya nkhondoyi, mumachita mbali yanu kuti muthetse ntchito za satana - amene amapha ndi kuwononga. Mwa kumenya nkhondoyi, mumachita mbali yanu kuti mugonjetse muzu wa kuvutika m'dzikoli!
Zotsatira za nkhondoyi
Chotsatira cha nkhondoyi ndi chakuti moyo wanu umakhala dalitso. Mukakhala wokhulupirika ku chosankha chanu chochita chifuniro cha Mulungu mukhoza kunenadi kwa ena kuti, "Nditsatireni, pamene ndikutsatira Khristu." Mumagonjetsa uchimo ndi kukhala odzala ndi chimwemwe, m'malo mochimwa ndiyeno kukumana ndi chiwonongeko, mobwerezabwereza. Mumapanga mtendere kumeneko kumene muli pakati pa mavuto. Kukhulupirika kwanu kwa Mulungu kumabweretsanso dalitso kwa ana anu ndi mibadwo yotsatira.
Mudzakhala pamodzi mu kuuma misozi pamodzi ndi Mulungu ndi Yesu mu zaka chikwi za mtendere, Zalembedwa m'Chivumbulutso kuti onse amene agonjetsa uchimo ndi mphamvu ya uchimo m'moyo wawo pamene anali padziko lapansi pano, adzapambana Pambuyo pa mkwatulo ubwera zaka chikwi, zaka chikwi za mtendere, nthaŵi imene Satana adzamangidwa, nthaŵi imene mudzagwiritsira ntchito zimene mukuphunzira lero lino kuyeretsa chiwonongeko chimene uchimo wachititsa padziko lino lapansi!
Mumakhala osangalala. Ndi tchimo limene limatipangitsa kukhala osakondwa. Kumvera malamulo ndi malamulo amene Mulungu amalemba m'mitima yathu kumabweretsa mtendere waukulu ndi chimwemwe.
Mudzakhala ndi moyo ndi kulamulira pamodzi ndi Yesu mu umuyaya wonse! "Ndidzapatsa amene agonjetsa ufulu wokhala nane pampando wanga wachifumu." Chivumbulutso 3:21 (NIRV)
Chosankha ndi chanu
Mulungu adakali ndi mphamvu zonse kumwamba ndi padziko lapansi. Mulungu adakali ndi chikondi. Ndipo mudakali ndi ufulu wosankha. Tsiku lililonse, mungasankhe kulimbana ndi Satana ndi mphamvu ya uchimo, ndipo moyo wanu ukhoza kukhala chida cha Mulungu!
"Tsiku lino ndikuitana kumwamba ndi dziko lapansi monga mboni zotsutsana nanu zimene ndaziika pamaso panu moyo ndi imfa, madalitso ndi matemberero. Tsopano sankhani moyo, kuti inuyo ndi ana anu mukhale ndi moyo." Deuteronomo 30:19 (NIV).