Mulungu akuti, "Ngati mumandikonda, sungani malamulo Anga." Yohane 14:15. Chifuniro cha Mulungu chili m'mawu Ake, malamulo Ake. M'pangano latsopano, Mulungu amalemba malamulo Ake mumtima mwanga. Malamulo amenewa sadalira za zomwe moyo wanga ukukumana nazo ayi. Mwanjira imeneyi, kaya ndine wokwatiwa kapena wosakwatiwa, mosasamala kanthu za kumene ndimagwira ntchito kapena kukhala—kumvera mawu a Mulungu, malamulo Ake, ndi chinthu chofunika kwambiri pa moyo wanga.
Anthu ali ndi luso losiyana, mitundu yosiyanasiyana ya ntchito, ndi makhalidwe osiyanasiyana. Koma mosasamala kanthu za mkhalidwe wanga, ndili ndi chifuniro changa chotsutsana ndi mawu a Mulungu. Mulungu akufunafuna anthu amene amamukonda kwambiri omwe amamumvera m'malo mochita chifuniro chawo.
Mwachibadwa changa, nkosavuta kukhala wotanganitsidwa kwambiri ndi zimene ndikuchita mwakuthupi kwakuti ndimaiŵala kumvera malamulo a Mulungu. Mwachitsanzo, Mulungu amandilamula kuti ndisakhale "wowawidwa mtima kapena wokwiya . Musakhale wokalipa mokwiya kapena kunena zinthu zochipongwekwa ena ..." Aefeso 4:31. Kaya ndikugwira ntchito yazomangamanga, kugwira ntchito malo odyera, kapena ndine namwino m'chipatala, ngati ndikwiya ndi mnzanga wogwira naye ntchito pakati pathu, sindikuchitanso chifuniro cha Mulungu.
Chifuniro cha Mulungu kwa ine nchakuti ndikhale womasuka ku tchimo mu moyo wanga, chifuniro changa, ndi kutsatira makhalidwe aliwonse akutsatira malamulo amene Iye amalemba mumtima mwanga. "Khalani okoma mtima ndi achikondi kwa wina ndi mnzake, ndipo mukhululukirane ..." Aefeso 4:32. Si m'chibadwa changa chaumunthu kuchita zimenezo, koma Mulungu wandilamula kuti ndikhale chonchi. Chifuniro cha Mulungu kwa ine ndi moyo umene uchimo ulibe mphamvu pa ine!
N'zosatheka kuchita chifuniro cha Mulungu ndi mphamvu zanga, koma pamene mtima wanga wonse ufunitsitsa ndi kumvera chifuniro Chake m'malo mopanga zofuna zanga, Iye ali komweko, ndipo Iye amandipatsa mphamvu kuchita chifuniro Chake!